आमची कथा

कराड शहरापासून अवघ्या 5 किमी अंतरावर उत्तरेस बनवडी हे गाव वसलेले आहे. या गावाचे क्षेत्रफळ 1.02 चौ.कि.मी इतके असून ग्रामपंचायत बनवडीची स्थापना सन 1966 मध्ये झाली. गावालगतच्या सैदापूर येथे शासकीय अभियांत्रिकी, औषधनिर्माण, तंत्रनिकेतन, सायन्स, कॉमर्स आणि आर्ट्स अशी विविध महाविद्यालये आहेत. तसेच बनवडी गावामध्येही दौलतराव आहेर अभियांत्रिकी महाविद्यालय आहे. बनवडी गावाच्या दक्षिण व पश्चिमेस सैदापूर, पूर्वेस विरवडे आणि उत्तरेस पार्ले ही गावे वसलेली आहेत. बनवडी गावापासून सुमारे 6 किमी अंतरावर पुणे–बेंगळुरू (NH-04) महामार्ग तर 3 किमी अंतरावर कराड रेल्वे स्टेशन आहे. कराड शहर, राष्ट्रीय महामार्ग आणि रेल्वे स्टेशन यांच्या नजिकचे अंतर तसेच गावालगत उपलब्ध असलेल्या सर्व प्रकारच्या शैक्षणिक सुविधांमुळे बनवडी गावाचा विकास आणि विस्तार अतिशय वेगाने व मोठ्या प्रमाणात होत आहे